Preguntas frequentes respondidas

Tes que rexistrarte na web, confirmar o usuario a través do correo electrónico aportado e unha vez logueado co teu usuario terás que clicar en "Faite Socio/a". Deberás seguir as instrucións da web para formar parte da asociación.

O custe da cota anual (ano natural) é de 50€.

A principal vantaxe é que estarás axudando ao fortalecemento do tecido de músicas e músicos en Galicia. Poderás participar con voz e voto nas asembleas de Músicas ao Vivo, na fase de votacións dos Premios Martín Códax da Música, recibir o boletín semanal de novidades realcionadas co sector (lexislación, inscricións en redes institucionais, etc), aproveitar o perfil público da nova web e a axenda de concertos, gozar de descontos en cursos e convenios organizados pola asociación, recibir asesoramento en materias relacionadas coa actividade musical, etc.

Tes que rexistrarte na web, confirmar o usuario a través do correo electrónico aportado e unha vez logueado co teu usuario terás que clicar en "Faite Socio/a". Deberás seguir as instrucións da web para os socios cooperativistas. Cumprimentarás os teus datos e así poderemos xerar automaticamente os documentos que terás que aportar.

A cota anual é de 80€ (ano natural). Ademais disto terás que satisfacer a achega de capital á cooperativa (50€ unha soa vez, soamente o primeiro ano de darse de alta, por imperativo da Lei de Cooperativas de Galicia, e será devolto cando deixes a mesma).

Para as persoas que se asocien nos últimos 4 meses do ano a cota será de 40€.

Si, sempre que facturen a través de  Músicos ao Vivo S. Coop. Galega.
Músicos ao Vivo ten contratada unha póliza de Responsabilidade Civil que cobre as actuacións dos grupos que facturen a través da cooperativa en España e Portugal.

Tes que enviar un email a [email protected] para comunicarnos o día da actuación, de forma que podamos darte de alta na seguridade social ese día. Logo, cando saibas o importe para facturar (ou teñas os datos da empresa), tes que facer a solicitude de factura a través da zona socios da web www.musicasaovivo.gal cos datos que faltaban para poder facer a factura.

Hai que encher e enviar o formulario que se atopa no menú  "contacto" da web. En breve terás unha resposta ou ben remitirémoste aos nosos asesores. A consulta permite aos socios/as de  Músicos ao Vivo recibir asesoramento profesional, de maneira totalmente gratuíta, a nivel consultivo. Con todo, non cobre xestións, informes escritos nin calquera outro tipo de procedemento.

É aconsellable que nos deixes o teu teléfono para contactarte, en caso necesario, o antes posible.

Debes avisarnos a través do email a [email protected] ou dos teléfonos da cooperativa o antes posible, para poder anular a alta relacionada con esa factura.

Os músicos e músicas que vaian actuar a un país estranxeiro deberán facilitarnos os datos seguintes, como mínimo unha semana antes da actuación. Iso permitiranos tramitar o impreso A1 para convalidar a Seguridade Social española coa do país onde se actúe e asinar o contrato correspondente. Necesitamos saber:

- Data ou datas da actuación
- Nome completo da sala, teatro, auditorio, etc.e a súa dirección exacta.

É recomendable asinar contrato entre o programador estranxeiro e a cooperativa con suficiente antelación.

Se o programador é operador intracomunitario é posible facer a factura sen IVE.
 

Non. O servizo de facturación só se pode aplicar a profesionais que poden ser dados de alta no Réxime especial de Artistas da Seguridade Social, é dicir, músicos/as, cantantes ou artistas. Os técnicos/as de son, en cambio, deben ser contratados/as mediante contrato fixo ou a tempo parcial, e deben darse de alta no Réxime Xeral da Seguridade Social.

Non. O servizo de facturación só pode aplicarse a profesionais susceptibles de ser dados de alta no Regimen Especial de Artistas da Seguridade Social, é dicir, músicos/as, cantantes ou artistas. Os/as dj's pertencen ao sector da hostelería (servizos complementarios) e deben ser contratados/as mediante contrato fixo, ou a tempo parcial, e deben ser dados/as de alta no Réxime Xeral da Seguridade Social.

Non. No Réxime Xeral da Seguridade Social, cada factura debe ir acompañada obrigatoriamente da alta correspondente ao dia da actuación. Como é lóxico, non podemos dar de alta a un músico/a o dia da actuación con efecto retroactivo. Así pois, hai que pedir sempre as facturas cuns días de anticipación respecto da data da actuación.

Si, pero debes avisar á túa oficina do INEM antes da actuación. Na propia oficina diranche que documentación debes presentar para poder descontar do paro o día ou días en que traballes. Estes días engadiranse ao final do período de subsidio. Normalmente, pediranche un certificado de empresa en que se especifique os días que traballaches e que fuches dado/a de alta e de baixa no Réxime especial de Artistas. Este certificado debes pedilo a MÚSICOS AO VIVO S. COOP. GALEGA que cho enviará por email ou presentará telematicamente o documento ao INEM.